Materiais e proposta de roteiro para "Jules Verne e a vida secreta das mulleres planta" de Ledicia Costas.

Nos clubs de lectura de 2º e 4º de ESO leron e están a ler a novela de Ledicia Costas "Jules Verne e a vida secreta das mulleres planta"; como actividade de reforzo da lectura da obra estamos a preparar unha visita a cidade de Vigo e un encontro co club de lectura "Pedra do acordo" do IES San Paio de Tui.

Esta é a nosa selección de materiais e a proposta de itinerario literario para o roteiro:

MATERIAIS:

Jules verne e a vida secreta das mulleres planta. materiais roteiro. from anxos Rial Vidal

https://www.slideshare.net/anxosRialVidal/jules-verne-e-a-vida-secreta-das-mulleres-planta-materiais-roteiro

TRANSformando o mundo en 22 SEGUNDOS con EVA MEJUTO

22 Segundos tarda o vídeo do protagonista desta novela en subirse á Rede e 22 segundos tarda a súa autora, Eva Mejuto en "abrir a caixa das treboadas" fronte a esta viaxe cara a propia identidade de xénero.

" Hai persoas que nunca serán quen de captar nada que saia do rego" e o berro que nos transmite esta obra quere chegar a todos e todas nós e máis a eles, aos do rego; un libro que busca axudar a identificarnos a mirarnos cara adentro coma Alex,o protagonista.

Esta novela que consta dunha introdución e 22 segundos-capítulos breves (cal esceas teatrais) os que favorecen a axilidade dun estilo narrativo rápido no que predomina o diálogo ( moi a gusto dos e das adolescentes, como as imaxes dos vídeos en internet).

A mensaxe é o obxectivo primordial da obra: axudar-difundir-comprender cunha linguaxe literaria que está moi preto da linguaxe xornalística, combinando un narrador protagonista en primeira persoa coa omnisciencia.

Co progreso da trama, Alex crece e cada vez fai máis visible a súa identidade de xénero, para si mesmo e para os que o rodean. Unha chea de subtemas relacionados co asunto principal: o futbol e as nenas, cadaquen que escolla os seus xoguetes, os comics... compoñen os ingredientes para que a receita sexa  DO SABOR E GUSTO DE TODOS E TODAS.

Recibir a Eva Mefuto no noso insti acompañada de Canela Cafuné, as súas cancións, as súas reflexións e voces, axudáronnos a facer un alto no camiño, a mirarnos cara adentro e ver a mirada dos outros e das outras, a aprender a respectar e a querer un poco máis aos e ás que son distintos da maioría,  aos que son e desexan sentirse e ser tratados como un e unha máis, axudánronnos a TRANSformar un pouco este mundo. 

LECTURAS COMPARTIDAS

CURSO ESCOLAR 2017/18: Arroupad@s coas palabras de Mª Victoria Moreno.

O noso proxecto lector vai estar arroupado este curso pola escritora Mª Victoria Moreno: a lectura das súas novelas e a investigacións sobre a súa vida e obra.

As Letras Galegas 2018 van estar adicadas a esta gran muller que viviu, creou, foi docente...  soñou nas rúas da nosa cidade.

Avaliándonos

X XORNADA DOS CLUBS DE LECTURA

Aquí estamos, mergullándonos na grande festa da lectura que se celebrou en Compostela co gallo do décimo aniversario do programa de clubs de lectura, a X XORNADA DE CLUBS DE LECTURA.

Relatarémosvos un pouquiño do que fixemos e das actividades nas que participamos:

O noso submariño partiu de Pontevedra cunha pequena representación de todos os nosos clubs (Nubes de palabras) do IES Sánchez Cantón. Iamos un pouco nerviosos por que Alberto Freire de 1º ESO ía participar ante un auditorio de 1200 persoas (mocidade, profes e profas, asesores, mesmo políticos) conxuntamente con outras catro rapazas e da man de Óscar López nun obradoiro sobre como realizar un programa sobre libros. Levabamos preparada a nosa parte da tarefa grazas ao traballo da rapazadado club de 4º ESO C; foi unha magnífica experiencia e cónstanos que Alberto frotou na "nube de palabras" durante toda a xornada.

Rematada esta experiencia lectora, separámonos para asistir aos distintos obradoiros que se nos ofertaron: manga, dobraxe, grafitti, banda deseñada... que ilusionados estabamos cando nos reencontramos e canto nos tivemos que contar:

Un xantar de película... camións de burguers, ensaladas, churrasco, polbo, empanada... para repoñer forzas que aínda nos esperaban moitas emocións lectoras.

Retomamos as sesións co encontro de clubs de lectura, correspondeunos reunirnos con clubs de Catoira, Ferrol, Sarria, Ourense e Mos; tras unhas pequenas recicencias iniciais formamos os grupos "revoltos de clubs" e a falar de experiencias lectoras, de recomendacións... e por que será que todos ben se informaron do que comiamos nos clubs (roscas, empanadas,conguitos...):

E aínda queda maissssss? Pos si, quedaba a conferencia de César Mallorquí que nos falou de boas e de malas lecturas, da formación coma lectores, etc.

E coma todas as boas romaxes galegas, esta romaría lectora finalizou con música e baile, e con Xabier Díaz que nos axudou a ponderar o que é de noso, o que nos diferencia e identifica; non fomos quen de permanecer sentados no sillón e o corpo pediunos cantar, movernos, bailar... un fin de festa animado, eu diría glorioso para unha gran xornada lectora. 

E coma ben avaliou Alberto a actividade:

Algunhas fotiños máis, que moitas fixemos:

Grazas a todos e todas os organizadores que nos convidaron e permitiron facer realidade este soño lector.

Pois xa sabedes, coma din Sara, Angie e Esteban:

Navegando polas lecturas de verán.

E vai de peixiños no mare, tedes que asociar os títulos das recomendacións de verán cos autores que aparecen ao final da publicación, moi sinxelo, tod@s son de moita actualidade e calidadeeee:

Xogando coas lecturas.

O pasado martes na nosa reunión do club na biblioteca, esperábanos uha sorpresa: unha morea de sobres pechados  que no seu anverso tiñan unhas lendas e un puntiño de cores.

 Tralo desconcerto inicial  soubemos que os sobres contiñan a nosa próxima lectura que debiamos escoller despois de ler a lenda (breve adianto do argumento do libro) e decidir cal era o noso nivel lector : verde (avanzado) - amarelo (medio) - azul (iniciación).

Miramos, lemos, demos voltas e fialmente tod@s  tiñamos xa o noso sobre na man, chegou xa o momento de abrilo e descubrir cal era a lectura que seleccionaramos.

Tod@s quedamos encantados coa nosa escolla agás David pois é o lector máis avanzado do grupo e escollera unha obra de iniciación pero como estabamos na biblio tivo unha rápida solución, a profe buscoulle outra lectura para el moito máis axeitada.

Foi un xeito divertido de escoller a nosa novela.

Xogando coas lecturas - Kizoa Editar Videos - Movie Maker

TRANSformando o mundo: "22 segundos" de Eva Mejuto (presentación da obra e testemuño de Marcos Ceive).

Esta mañá tivemos unha actividade na biblioteca que nos ensinou o muito que aínda ten que mudar este mundo no que convivimos,  que serviu para reflexionar sobre a intolerancia, constatar que nos rodea (mesmo ás veces sen que sexamos conscientes dela) e que busca que espertemos e reaccionemos en contra. 

Todos tiñamos escoitado nos medios de comunicación sobre as persoas "TRANS" pero hoxe da man das palabras escritas por EVA MEJUTO, autora do libro "22 SEGUNDOS" e co testemuño de MARCOS CEIVE que vive en primeira persoa esa intolerancia da que falabamos, hoxe sentimos e vivimos con eles como sofre unha persoa que nace nun corpo diferente á súa identidade sexual; fomos Alex (protagonista de "22 segundos"), fomos Marcos e fixemos nosas as súas cicatrices.

" Álex, ata o de agora, só vivira de portas para dentro. Comezou a transpirar unha suor fría que lle escorregou polas costas ata o van. Xa non había marcha atrás. Estaba decidido. (...) Eh... Mmm... Non sei por onde empezar. Polo principio, que diría o avó. Preséntome, chámome Álex e son un mozo transexual. Resulta raro falar sen saber quen está do outro lado, mais, que curioso, estame a ser máis fácil do que pensaba, liberador, mesmo. Moito máis que falarlle a xente coñecida. Abro este Vlog para compartir convosco anacos da miña vida, algúns do pasado pero, sobre todo, dos que están por vir: o meu tránsito, a viaxe cara a min mesmo."

Eva e Marcos aportáronnos toda información para coñecer como debemos actuar e tratar ás persoas TRANS, como sensibilizarnos coa súa opción, aprendemos a respectar e non mirar ao outro lado ante a intolerancia.

" Fágoo tamén por se a miña experiencia pode axudar a quen estea a pasar por esta mesma situación. Moitas e moitos quedaron no camiño e outros marcharon, cambiaron de lugar para viviren unha nova vida, empezando de cero. Eu non quero fuxir a ningún sitio, quero vivir coa miña xente, no meu barrio, no meu país."

Agradecemos a Eva e a Marcos a súa xenerosidade ao compartir a súa intimidade connosco, ao Concello de Pontevedra que posibilitou este encontro e a tod@s os presentes porque sabemos que desde hoxe imos ser máis respectuosos e tolerantes.

Marcos, Eva,  a porta do noso club de lectura sempre estará aberta para que nos acompañedes e que nos axudedes a transformar o mundo.

Recomendámosvos a lectura da obra "22 segundos" de Eva Mejuto; de seguro que tod@s os lectores do noso club de lectura xa están desexando ter a lectura nas mans. 

(Fotografías de Beatriz Ciscar)

Roteiro "Rúas literarias de Pontevedra".

No marco do noso proxecto de aula-biblioteca, interdisciplinar (lingua galega e matemáticas) "Rúas literarias de Pontevedra" de 4º de ESO; despois de longas xornadas de traballo desde comezo de curso ( VII fases con diversas tarefas relacionadas coa escrita,  a literatura e as matemáticas, seguindo o método de aprendizaxe ABP e  tendo como un dos obxectivos a alfabetización mediática e informacional do alumnado) , estreamos o noso roteiro literario en primicia e versión reducida (pois só durará 30 minutos e comprenderá unicamente as rúas do centro da cidade),  colaborando co Servizo de Normalización Lingüística do noso Concello e coa cadea de radio Onda Cero para celebrar o "Ben veñas Maio".

O evento será o martes día 8 de maio ás 17.30, durará 30 minutos e o percorrido comezará na rúa Castelao, para continuar polas rúas Uxío Novoneyra, Filgueira Valverde, Amado Carballo, Antón Vilar Ponte e rematar na rúa Álvaro Cunqueiro (no caso de chegar o tempo será na coñecida como praza dos músicos), todos escritores moi significativos da literatura galega dos séculos XX e XXI (materia estudo no currículo de 4º de ESO).No noso percorrido estaremos acompañados pola xornalista Susana Pedreira.

Por parte do noso centro participaremos as profesoras coordinadoras do proxecto, tres alumnos de 4º C e tres alumnos de 4º D.

A ver como nos resulta a estrea, pois o 31 de maio realizaremos o roteiro completo, todo o alumnado e teremos como broche de ouro a presentación do poemario "Terraza" de Fran Alonso e unha acción poética no parque das Palmeiras.

Audio do roteirona aula virtual:
https://www.edu.xunta.gal/centros/iessanchezcanton/aulavirtual2/mod/forum/discuss.php?d=9072

Ligazón ao audio en ONDA CERO:
http://www.ondacero.es/emisoras/galicia/pontevedra/pontevedra-en-la-onda_20170510591309950cf2a1da4826eca5.html